بانگه‌وازی سمیناری

 "لێکدانه‌وه‌ی شیعری نوێی کوردی"

 ئه‌نجومه‌نی فه‌رهه‌نگی – ئه‌ده‌بیی مه‌ریوان سمینارێكی دوو ڕۆژه‌ له‌ ژێر ناوی "لێکدانه‌وه‌ی شیعری نوێی کوردی" به‌ڕێوه‌ ده‌بات. بۆ ئه‌م مه‌به‌سته‌ داوا له‌ هه‌موو شاعیران، نووسه‌ران، ڕه‌خنه‌گرانی ئه‌ده‌بی و لێکۆڵه‌ران ده‌كرێت وتاره‌كانی خۆیان به‌ پێی ته‌وه‌ره‌ دیاریكراوه‌كان، بۆ لێژنه‌ی به‌ڕێوه‌به‌رایه‌تیی سمینار ڕه‌وانه‌ بكه‌ن.

• ته‌‌وه‌ره‌ی وتاره‌كان

1.   سه‌رچاوه‌کانی خه‌ساری شیعری نوێی کوردی

2.   به‌ستانداردکردنی داهێنان له‌ شیعری کوردیدا؛ خه‌سار یان ده‌رفه‌ت؟

3.   کاریگه‌ریی خوێنه‌ر و پێگه‌ی خوێندنه‌وه  له ‌سه‌ر ده‌قی داهێنان‌

4.  شوناس و ده‌نگی ژنانه‌ له‌ شیعری نوێی کوردیدا 

5.  نوستالژیا و زه‌مه‌ن له‌ شیعری نوێی کوردیدا   

6.  ئه‌زموونی مودێڕنیتی له‌ شیعری نوێی کوردیدا    

7. نیهیلیسم و قه‌یرانی واتا له‌ شیعری نوێی کوردیدا

8.  کێشه‌ی شوناس له‌ شیعری نوێی کوردیدا

9.  ئایرۆنی له‌ شیعری نوێی کوردیدا

10. ئانتۆلۆژیی مه‌رگ له‌ شیعری نوێی کوردیدا

11. ڕه‌نگدانه‌وه‌ و کاریگه‌ریه‌کانی کۆمه‌ڵگا و فه‌رهه‌نگ له‌ شیعری نوێی کوردیدا

12. ململانێی به‌ده‌روه‌ست بوون و سه‌ربه‌خۆیی (خودآیینی) له‌ شیعری نوێی کوردیدا

13.شیعری نوێی کوردی و جوغرافیای زاراوه‌کانی 

14. پێوه‌ندیی شیعری نوێی کوردی و ژانره‌ هونه‌رییه‌کانی‌تر (سینه‌ما، شانۆ، چیرۆک، موزیک، نیگارکێشی و...)

•   چۆنیه‌تیی ڕێكخستن و به‌ڕێكردنی وتاره‌كان

  - وتاره‌كان ده‌بێ به‌ تایپ­كراوی له‌ سه‌ر یه‌ك ڕووپه‌ڕی لاپه‌ڕه‌‌یA4، و له‌گه‌ڵ فایله کۆمپیته‌ریه‌كه‌یدا به‌ word 2007 بۆ ناونیشانی سمیناره‌كه‌ به‌ڕێ بكرێت.

-  ئه‌و بابه‌تانه‌ی بۆ سمینار ڕه‌وانه‌ ده‌كرێت نابێت له‌ ۱۲ لاپه‌ڕه‌ی ۴۰۰ وشه‌یی و ۲۰ خوله‌ک‌ بۆ ماوه‌ی پێشكه‌ش كردن تێپه‌ڕ بكات.

-  کورته‌ی‌ وتاره‌كه‌ (كه‌ له‌ ۵۰۰ وشه‌ تێنه‌په‌ڕێت) به‌ هه‌ردوو شێوازی چاپكراو و كۆمپیته‌ری، هاوپێچ له‌گه‌ڵ وتاره‌كه‌ ڕه‌وانه‌ بكرێت.

 - وتاره‌كان به‌ هه‌ردوو زمانی كوردی و فارسی وه‌رده‌گیرێت.

-  ناونیشانی خاوه‌ن به‌رهه‌مه‌كه‌ وه‌ك: ناو و ناسناو، پله‌ی خوێنده‌واری، ناونیشانی ته‌واوی پۆستی، ژماره‌ی ته‌له‌فوون (موبایل گونجاوتره‌) و ئه‌د‌ره‌سی ئه‌لكترۆنی(ئیمه‌یل) له‌ لاپه‌ڕه‌یه‌‌كی جیاوازدا هاوپێچ له‌گه‌ڵ وتاره‌‌كه‌ ڕه‌وانه‌ بكرێت.

 - - دوایین ده‌رفه‌ت بۆ ناردنی وتار ۱۵ی خه‌رمانانی ۱۳۸۹ی هه‌تاوییه‌.

- سمینار‌ی "لێکدانه‌وه‌ی شیعری نوێی کوردی" ڕۆژانی ۲۵ و ۲۶ ی خه‌رمانانی ۱۳۸۹، له‌ هۆڵی گشتیی کۆمه‌ڵگه‌ی فه‌رهه‌نگی ـ هونه‌ریی مه‌ریواندا به‌ڕێوه‌ ده‌چێت.

-  وه‌ك ڕێزلێنان، دیارییه‌کی تایبه‌ت پێشكه‌ش به‌ نووسه‌رانی به‌رهه‌مه هه‌ڵبژێردراوه‌کان ده‌كرێت.

-  ئه‌و وتارانه‌ی ده‌گه‌نه‌ به‌ڕێوه‌به‌رایه‌تیی سمینار به‌ هیچ شێوازێك ناگه‌ڕێندرێنه‌وه‌.

•  ناونیشانی به‌ڕێوه‌به‌رایه‌تیی سمینار

 - كوردستان، مه‌ریوان، كۆمه‌ڵگه‌ی فه‌رهه‌نگی ـ هونه‌ری، ئه‌نجومه‌نی فه‌رهه‌نگی ـ ئه‌ده‌بیی مه‌ریوان.

   ته‌له‌فوون: ۰۸۷۵۳۳۰۱۱۵۴  ــ  ۰۹۱۸۸۷۴۵۱۲۱ - ۰۹۳۵۳۸۷۶۹۰۳

  (كاتی پێوه‌ندیگرتن: هه‌موو ڕۆژ ۴تا ۷ی پاش نیوه‌ڕۆ)

   فاكس:      ۰۸۷۵۳۳۰۱۱۵۵

 - ناونیشانی پۆستی بۆ ناردنی وتاره‌كان: مه‌ریوان، سندووقی پۆستیی ۱۸۷، ئه‌نجومه‌نی فه‌رهه‌نگی ــ ئه‌ده‌بیی مه‌ریوان.

 - ناونیشانی وێبلاگی سمینار:  http://www.efemeriwan.blogfa.com

-  ناونیشانی پۆستی ئه‌لكترۆنی (ئیمه‌یل):e.meriwan@gmail.com